• Басты
  • Степногорск қаласының 235 тұрғыны «Жұмыспен қамтудың жол картасы-2020» бағдарламасының қатысушысы атанды

Степногорск қаласының 235 тұрғыны «Жұмыспен қамтудың жол картасы-2020» бағдарламасының қатысушысы атанды

21 Шілде, 2014 18:49
Бірінші жартыжылдықта Степногорск қаласының 235 тұрғыны «Жұмыспен қамтудың жол картасы-2020» бағдарламасының қатысушысы атанды, деп хабарлайды «Ақмола Медиа Орталығы».

Бағдарламаны іске асырғалы бері қаланың 865 тұрғыны қатысты. Степногорскте бағдарламаның екінші бағыты кеңінен қолданылуда. Оның негізінде жеке кәсіпкерлік бастамаларды қолдау қарастырылған. 2011-2013 жылдар аралығында 32 тұрғын халыққа қызмет көрсету мен мал шаруашылығымен айналысу үшін 73,05 млн теңге алды.

Биыл мал шаруашылығымен айналысуға, тамақтану орнын ашуға, балалардың сауықтық орнын ашуға және құм блоктарын шығарумен айналысуға 19 тұрғыннан өтініш келіп түсті. Қазіргі таңда соның 7-еуі 18,4 млн теңге бөлемінде несие алды.  

Степногорск қаласында 2011-2013 жылдары аралығында бағдарламаның үшінші бағыты бойынша 399 адам кәсіби оқытумен қамтамасыз етілді. Кәсіби оқытудың аяқталуымен олардың барлығы тұрақты жұмыс орнымен қамтамасыз етілді.

«Жұмыспен қамту орталықтары мамандары тарапынан жастар тәжірибесін ұйымдастыру жұмыстары жүргізілуде. «Жұмыспен қамтудың жол картасы-2020» бағдарламасы бойынша жастардың іс-тәжірибесіне 2012 жылы 37 адам, 2013 жылы 43 адам, 2014 жылдың бірінші жартыжылдығында 41 адам қамтамасыз етілді. Жастардың іс-тәжірибесінің максималды мерзімі 6 ай», - дейді Степногорск қаласының жұмыспен қамту орталығы директоры Қарлығаш Ғафарова.

Биыл колледжді 42 адам аяқтап, 14-і қаланың түрлі кәсіпкерліктеріне іс-тәжірибеге жөнелтілді. Ал қалған 25-і тұрақты жұмыспен қамтамасыз етілді. 

Барлық жаңалықтар