АЭФ өткізу деңгейін қатысушылардың 85% жоғары бағалады
21 Шілде, 2014 11:08
VII Астана экономикалық форумы барысында оның деңгейін көтеру, қатысушыларың пікірін білу мақсатында жасырын сауалнама өткізілді, деп G-global жобасының порталы хабарлады.
«Респонденттердің 87% Форумның мазмұнына көңілі толатынын жеткізсе, 85%-ы сессияларды өткізу деңгейін жоғары бағалады. Ал, сөз сөйлеген спикерлердің біліктілігіне сауалнамаға қатысқандардың 86%-ы оң бағасын берді», - делінген хабарлады.
Ал, қатысушылардың 56% АЭФ келудегі мақсаты спикерлердің баяндамаларына деген қызығушылық деп жауап берген. Ққонақтардың 24% іскерлік байланысты орнату үшін форумға қатысса, 7% Қазақстан туралы көбірек білгісі келгендіктен қатысқан.
Айта кетерлік жайт, «Келер жылы өтетін форумға қатысу ниетіңіз бар ма?» деген сұраққа респонденттердің 95%-ы «Иә» деп жауап берген.
