• Басты
  • Бурабайдағы «Болашақ энергиясын іздеу» квест-ойынына 500 скаут қатысады
20 Шілде, 2014 13:10

Бурабайдағы «Болашақ энергиясын іздеу» квест-ойынына 500 скаут қатысады

22 шілдеде «Бурабай» мемлекеттік ұлттық саябағының көркем аймағында Үлкен Шабақты көлінің жағалауында «Астана ЭКСПО-2017» Ұлттық компаниясы бастамасы бойынша ұйымдастырылған«Болашақ энергиясын іздеу» квест-ойыны өтеді.
Бурабайдағы «Болашақ энергиясын іздеу» квест-ойынына  500 скаут қатысады

Қатысушылар 12-18 жас аралығындағы Қазақстанның, Таяу және Қиыр шетелдердің (ТМД, Ұлыбритания, ФГР, Венгрия және басқалары) 500 скауты болады, деп ұлттық компанияның баспасөз қызметі хабарлады.

«Болашақ энергиясын іздеу» квест-ойыны Қазақстандағы ең ірі скауттардың шатырлы слеті - Еуразия өңірінің III Джамбори шеңберінде өткізілуде. Ойын бағдарламасы шеңберінде қатысушылар командалары бір күн бойы альтернативті энергия тақырыбына бейнеролик түсіріп, альтернативті энергияны алу бойынша тапсырмаларды орындайды, фризлайт (жарықпен сурет салу) технологиясын қолданумен флешмоб ұйымдастырады, алдағы Астана ЭКСПО-2017 көрмесі туралы өзекті ақпарат алады.

Музыка ұжымдарының өнер көрсетуі, жалынды шоу, қолдан жасалған жел генераторларын іске қосу күннің шарықтау шегіне айналады.

Естеріңізге сала кетейік, «20-29 шілде аралығында Бурабайда Қазақстандағы ең ірі скаут слеті - «III Еуразиялық Джамбори» өтеді».

«Біз балаларға скаутинг мәнін түсінуге, шатырлы үйлерде тұрып көруге, отқа тамақ пісіруге мүмкіндік бергіміз келеді. Сонымен қатар біз «ЭКСПО-2017» - Болашақ энергиясы тақырыбында қозғадық. Арнайы «ЭКСПО күні» өтеді және 2017 жылы Астанада өтетін Халықаралық көрме тақырыбын талқылауға 500 бала қатысады», - деп Қазақстанның Скаут қозғалысы ұйымының атқарушы директоры Евгений Рыбалко атап өтті. 

Барлық жаңалықтар