Астанада «Саябақтар шеруі» экологиялық акциясы басталды
20 Шілде, 2014 12:34
Бүгін «Астаналық» орталық мәдениет және демалыс саябағында «Саябақтар шеруі» экологиялық акциясы басталды. Игі шараға студенттік құрылыс және еңбек жасақтарының мүшелері атсалысуда, деп «Бәйтерек» медиа-орталығынан хабарлады.
«Саябақтар шеруі» көптеген мемлекеттерде жыл сайын өткізіледі. Аталмыш шара Астанада 2008 жылдан бері ұйымдастырылып келеді. Биыл оған «Жасыл ел» жасағының 30 мүшесі қатысады деп күтілуде.
Ұйымдастырушылар астаналықтарды шараға қатысуға шақырады. Өйткені, ортақ іс тұрғындардың басын қосып, қаланың тазалығы мен санитарлық жағдайындағы мәселелерге тартуға ықпал етеді.
