Ырғыз-Торғай табиғи резерватына 18 арнайы техника берілді
19 Шілде, 2014 11:33
Ырғыз-Торғай мемлекеттік табиғи резерваты автопаркі 18 арнайы техникамен толықты, деп хабарлайды облыс әкімдігі.
«Қоршаған орта және су ресурстары министрлігі резерватқа 39 млн теңге бөлді. бұл қаражатқа 11 «УАЗ» көлігі, 3 мотоцикл, тіркемесімен 2 трактор және 2 жылжымалы вагон алынды», - делінген хабарламада.
Таяуда бұл техниканы Ырғыз ауданы әкімі орынбасары Аққанат Шахин табиғатты қорғау ұйымы қызметкерлеріне табыстады. қазіргі таңда броконьрлермен күресу үшін резерваттың барлық жағдайы жасалған.
