Ақмола облысында ірі қамба салынды
19 Шілде, 2014 11:02
Облыс әкімі «Свободное» ЖШС-нің 18 мың тонналық астық қоймасының ашылуына қатысты, деп хабарлайды облыс әкімдігі.
Жобаның жалпы құны 358 млн теңге.
«Бұрын мұндай нысандар тек аудан орталықтарында ғана салынатын. Бүгінде заман өзгеріп, жаңалықтар енгізілуде. Осы арқылы серіктестіктің жұмысы жанданып, ауыл, аудан мен облыстың дамуына серпін бермек. Бәрінен бұрын халыққа жаңа жұмыс орындары ашылады», - дейді Сергей Кулагин.
Айта кету керек, Ақмола облысы Сандықтау ауданында кәсіпкерлікті қолдаудың арқасында әлеуметтік нысандар көптеп салынуда.
Жергілікті кәсіпкер Александр Закусилов мектепті жөндеуне 4 млн теңге бөлді. Бұрындары шаруашылық есебінен әлеуметтік сала қызметкерлеріне арналған 4 тұрғын үй салынған. 2013 жылы 3 үйдің құрылысы басталды. Сонымен қатар Максимовка мен Владимировка ауылдарына су құбыры тартылып, балық шаруашылығына бөгет салынды.
