Қарағанды облысында моноқалалардың экономикасын әртараптандыру бағдарламасының байқауы жарияланды
18 Шілде, 2014 17:48
PYXERA Global компаниясы «Даму» қоры мен Қарағанды облыстық кәсіпкерлер палатасының әріптестік бойынша USAID қаржыландыруымен «Моноқалалардың экономикасын әртараптандыру» бағдарламасы аясында Қарағанды облысының алты моноқаласының кәсіпкерлікті қолдауға бағытталған Теміртау, Шахтинск, Абай, Сараң, Жезқазған және Сатпаев қалаларының шағын және орта кәсіпкерліктері арасында байқау жариялайды.
«Даму» КҚҚ хабарлауынша, гранттық қаражаттар кәсіпкерліктер тарапынан негізгі құралдарды, материалдарды, материалдық емес активтерді, кеңес алу қызметтерін, технология мен франшиза құқығын алуға пайдаланылады. Гранттар жылжымайтын мүлік немесе жер телімін алуға пайдаланылмайды.
Грант көлемі 1-5 мың доллар арасында. Грант алуға берілетін өтініштер байқау комиссиясы тарапынан қаралады.
Өтінішті қабылдаудың соңғы күні 2014 жылдың 10-ыншы тамызы.
