ЕАЭО әлеуеті Португалия кәсіпкерлеріне түсіндірілді

18 Шілде, 2014 10:31

Лиссабон қаласында (Португалия) Португалия Үкіметі жанындағы Инвестиция және сыртқы сауда агенттігінің (AICEP) шақыруымен Еуразиялық экономикалық комиссия делагациясымен үлкен жұмыс кездесу өтті. Делегаттарды ЕЭК-ның өндірістік және агроөндірістік кешен бойынша Коллегия мүшесі (Министр) Сергей Сидорский бастап барды. Қонақтар агенттіктің және португалиялық іскерлер тобының өкілдерімен кездесті, деп ЕЭК-тан хабарлады.

Кездесу қонақтарының ішінде Қазақстан, Ресей, Португалияның дипломатиялық миссиясының өкілдері, коммерциялы өндірістік компаниялардың өкілдері, КО пен БЭК мүше елдермен экономикалық байланыс орнатуға мүдделілер болды.

Отырыс барысында қатысушыларға еуразиялық интеграцияның - 2015 жылы Еуразилық экономикалық одақты құрудың болашағы, әлеуеті мен мүмкіндіктері кеңінен әңгімеленді. Одаққа мүше мемлекеттер – Қазақстан, Ресей мен Белорусияның алдынан ашылатын жаңа мүмкіндіктер де назардан тыс қалмады.

Айта кетерлік жайт, Сергей Сидорский осы тұрғыда португалиялық бастамашыл топпен байланыс орнатуда жан-жақты қолдау көрсетуге дайын екенін баса айтты. «Әлеуетті ивесторлар туралы ақпарат алмасуға Одаққа үш мемлекеттің өндіріс ошақтарымен байланыс орнатуға, олармен бірлесіп жаңа өндіріс ошақтарын ашуға барынша жағдай жасалады», - деп ол түйіндеді.

Барлық жаңалықтар