17 Шілде, 2014 17:41
Алматы облысының жұмыспен қамту орталығына 19 инватакси берілді
Бүгін Алматы облысының әкімі Аңсар Мұсаханов 19 Инватакси кілттерін аудандық, қалалық жұмыспен қамту бөлімдеріне салтанатты түрде тапсырды, деп облыс әкімдігінің баспасөз қызметінен хабарлады.
Облыстық бюджеттен бұл көліктерді сатып алуға 218,5 млн. теңге жұмсалған.
Оған қоса биылғы жылы облыста 300-ден астам әлеуметтік инфрақұрылым нысандарын бейімдеп, пандус салуға 211,7 млн. теңге қарастырылған. Осы шаралардың нәтижесінде кедергісіз орта қалыптастыру деңгейі 4,6-дан 33 процентке артады деп жоспарланып отыр.
Сол сияқты еңбекке жарамды 20 мыңға жуық азаматтың 62,5 проценті жұмыспен қамтылған.
