Қарағанды облысында «БЖК-2020» бағдарламасының 5 жобасы қаралды
17 Шілде, 2014 18:01
Қарағанды облысындаҮИИД МБ бойынша Үйлестіру кеңесінің отырысында «Бизнестің жол картасы - 2020» бағдарламасымен жүзеге асырылып жатқан 5 жоба қаралды. Келелі кеңеске аймақ басшысы Нұрмұхамбет Әбдібеков төрағалық етті.
Облыс әкімдігінің мәліметі бойынша, «Гиппократ» медициналық фирмасы фемтосекунттық лазер «Viktus» және магнитті – резонанстық томограф «Hitachi» сатып алу жобасын таныстырды.
Компания өкілдерінің айтуынша, бұл құрылғы офтальмологиялық және онкологиялық ауруға шалдыққандарға қызмет көрсету нарығын кеңейтуге мүмкіндік береді.
Сонымен қатар, ұн тарту кешені «Ақжайық 2011» ЖШС жаңғырту, «ТН» ЖК үшін жүк тасымалдайтын көлікті, «Мир стекла»ЖШС үшін арнайы манипулятор – автомобильді, «Федорова» ЖК үшін полифабрикаттар шығару мақсатында арнайы құрал-жабдықтарды сатып алу жобалары қаралды.
