Қазақстан Үкіметі судағы қауіпсіздік ережесін қабылдайды
17 Шілде, 2014 16:47
Үкіметтің алдағы отырысында министрлер кабинеті судағы қауіпсіздік ережесін қарастырып, келелі кеңес қорытындысы бойынша қабылдайтын болады. Бұл туралы ОКҚ өткен брифингте ҚР ТЖМ В.Божко хабарлады.
«Біз демалу орындарындағы шомылу аймақтарын арнайы құрал-жабдықтармен жабдықтау бойынша ережені алғаш рет енгіздік. Бұл ережелер Азаматтық қорғаныс туралы заңға енгізілген. Қазіргі таңда барлық ережелер жасақталып қойды», - деді ТЖМ В.Божко.
Сонымен қатар, ведомсвто басшысы алдағы Үкімет отырысында судағы қауіпсіздік ережесінің қаралатынын тілге тиек етті.
«Ережеде шомылатын орны бар демалыс орталықтарында арнайы құтқару құралдары, алғашқы көмек көрсету жабдықтары болуы керек деп көрсетілген. Сонымен қатар, барлық жағдай жасалған жағажай болуы керек деп талап қойылған. Бір сөзбен айтқанда шомылу барысында қауіпсіздікті қамтамасыз ететін барлық мәселелер осы ережеде қамтылған», - деді министр.
Камила Амирова
