Қазақстанда жас футболшылар саны 40%-ға артты
Оның айтуынша, Қазақстан футбол федерациясы «2012-2020 жылдарға арналған ҚР-да балалар мен жасөспірімдер футболын дамыту тұжырымдамасын» сәтті іске асыруда. Бұл инновациялық жоба жас футболшыларды дайындау мәселесін шешпек.
«Екі жыл бұрын біз балалар мен жасөспірімдер футболын дамытудың тұжырымдамасын іске асыруды қолға алған уақытта Астана, Қарағанды, Ақтөбе, Павлодар, Тараз бен Талдықорғанда футбол орталықтары ашылды. Әрине, бастапқыда қиын болғаны рас. Біз қажетті бапкерлерді жасақтап, шәкірттерді қабылдай бастадық. Бір ерекшілігі, әр бапкер белгілі бір жасқа ғана маманданған. Бір жылдан кейін бапкер шәкірттерін екінші бір бапкерге тапсырады. Бұл жүйе бізге Еуропадан келді», - дейді.
Футбол орталықтары облыс орталықтарының барлығында дерлік жұмыс істейді. Қ.Мұсатаевтың айтуынша, ҚФФ жоспарларында 2015 жылға дейін Петропавл, Көкшетау мен Ақтауда аталмыш орталықтарды ашу қарастырылған. Қазақстанның футбол федерациясы бұл өңірдің балаларын да назардан тыс қалдырмақ емес.
«Жыл сайын футбол орталықтарын қамтамасыз етуге шамамен 90 млн теңге кетеді. Соның ішіне экипировка мен инвентарь, барлық бапкерлердің жалақысы, жарыстарға қатысу шығындары енеді. Мен клуб жетекшілерін жақсы түсінемін. Барлыы да нәтиженің тез болғанын қалайды. Біз футбол орталықтарының шәкірттерінің әзірге команданың іргетасы екенін түсінуіміз керек. Олар есейіп құрамаға алынған кехзде ғана еңбегіміздің жемісі көрінеді», - дейді.
Естеріңізге сала кетейік, 2012-2020 жылдарға арналған ҚР-да балалар мен жасөспірімдер футболын дамыту тұжырымдамасы» Неміс футбол одағымен бірлесе дайындалған. Бағдарламада футбол орталықтарына басымдылық беріледі.
