Ақмола облысында отбасы институтын дамыту жобасы қолға алынды

Жоба отбасы институтын нығайтуға бағытталған. Ол Қазақстан Республикасының барлық өңірінде іске асырылмақ. Ақмола облысында жобаның орталығы ретінде Ақкөл қаласы бекітіліп отыр.

Ай ішінде қала тұрғындары өздерінің отбасыларымен бірге түрлі спорт түрлерінің тренерлерінен шеберлік-сыныптарына белсенді қатысып, атақты адамдармен кездсіп, спорттық эстафеталарда, сурет байқауларында, «Көше биі» фестивалі мен «Менің отбасым» фотобайқауында бақтарын сынайды.

Сонымен қатар аулалық «Даңқ минуты», қыздар және жігіттердің аула кеші мен «Әке, шеше және мен – бақытты отбасы» чемпионатын өткізу жоспарланған.

Жобаны «Қазақстан-2050» жалпыхалықтық қозғалысы ұйымдастырып, оған «Самұрық-Қазына» ҰК» АҚ демеушілік етті.