• Басты
  • Дәрілік препараттарды дәрігердің нұсқауысыз пайдаланбаған жөн – ДСМ (ФОТО)

Дәрілік препараттарды дәрігердің нұсқауысыз пайдаланбаған жөн – ДСМ (ФОТО)

17 Шілде, 2014 13:55
Дәрілік перпараттарды дәрігердің нұсқауысыз пайдаланбаған жөн, деп ҚР Денсаулық сақтау министрі Салидат Қайырбекова кеңес берді.

«Қазақстан үшін түйіткілді мәселелердің бірі дәрі-дәрмектерді ғаламтор арқылы тарату болып отыр. Өкінішке орай, тұрғындар дәрілерді жарнама бойынша ғаламтор арқылы сатып алуды доғарар емес. Зерттеу нәтижесіне сүйенетін болсақ, халықтың 42% жарнама бойынша дәрілік заттарды сатып алады екен. Сонымен қатар, әр екінші қазақсатндық дәрігердің нұсқауысыз дәрілік заттар мен антибиотиктерді қолданады. Оның үсіне, статистика бойынша ғаламтор арқылы өткізілетін дәрілік заттардың 50%-ның сапасын растайтын құжаты жоқ», - деді С. Қайырбекова.

Ведомство басшысының айтуынша, емделу уақыты 1- 4 күн (32%), 5-7 күн (36%), 8 және оданда көп күндер бойы (20%) науқас емделу курсын сақтамайды.

Бір науқасқа орташа есеппен 3 препараттан жазылады. Алайда, бұл тым көп және алларгиялық асқынуларға алып келуі мүмкін.

«Қандайда бір дәріні сатып алу барысында ең алдымен оның лицензиясына көз жүгірту керек. Сонымен қатар, аннотациясында оқыған абзал. Ондағы жазбалардың анықтылығына, түсініктілігіне де мән берген дұрыс. Негізі, дәрілік препараттарды дәрігердің нұсқауысыз пайдаланбаған жөн», - деді министр.

Камила Амирова

Барлық жаңалықтар