• Басты
  • Орыс сурет өнеріне төрт ғасыр: еуропалық сұлулықтан батыл фантазияға дейін (ФОТО)

Орыс сурет өнеріне төрт ғасыр: еуропалық сұлулықтан батыл фантазияға дейін (ФОТО)

15 Шілде, 2014 18:31
Қазақстан Республикасы Ұлттық музейінің ашылуы құрметіне «РОСИЗО» Мемлекеттік сузей-көрме орталығы, Ивановск облыстық көркемөнер музейі, Твер облыстық сурет галереясы «Орыс сурет өнеріне төрт ғасыр» атты арнайы көрсетілім ұйымдастырды.

«Экспозиция орыс көркем өнерінің камералық музейін ұсынады. Көрсетіліп отырған барлық құндылықтар XVIII-XXI ғасырларға тиесілі. Ресей сурет және кескіндеме өнерінің төрт ғасырлық осынау байлығы бүгін біздің алдымызға қойылып отыр», - дейді Қазақстан Республикасы Ұлттық музейінің заманауи өнер музейі жетекшісі Р.Әбенова.

Қазақстан мен Ресейдің мәдениет мекемелері мен өнер қайраткерлерінің белсенді және мүдделі бірігіп жұмыс жасауымен көптеген жылдар бойы екі ел арасындағы қалыптасқан тығыз мәдени байланыстың арқасында қазақстандықтардың «Орыс сурет өнерінің төрт ғасыры» атты бірегей көрмесімен танысуына тамаша мүмкіндік туып отыр.

Көрмеге орыс кескіндеме өнерінің мұрасын сан қырынан танытатын 50-ден астам автордың 90-нан аса туындысы қойылды. 

Көрермендер орыстың таңғажайып табиғатын асқан сезімталдықпен жырлаған И.И.Левитанның «Осень», «Сура с высокого берега» пейзаждарын, орыс кескіндеме өнерінің озық өкілі саналатын Ф. С. Рокотовтың қылқаламынан туған «Княжна Куракина» портретін, әлемге аты мәшһүр И.А.Айвазовскийдің «Часовня на берегу моря» картинасын, тарихи полотнолар шебері В.И. Суриковтың «Утро стрелецкой казни» картинасына арналған этюдін тамашалаумен қатар, Владимир Брайнин, Татьяна Назаренко, Ирина Старженецкая, Наталья Нестерова сияқты қазіргі заманғы орыс суретшілері мен кескіндеме өнерінің басқа да белгілі тұлғалары ұсынған тамаша еңбектермен таныса алады.

Көрмеге Ресей этнографиялық музейі жәдігерлерінің топтамасы қойылған. Көрменің атауы керуен шөл даладағы жолдармен асыл заттарды, жібек маталарды, олардан тігілген керемет киімдер мен дәмдеуіштер және есепсіз қазыналарды тасымалдаған Шығыстың Алтын ғасырымен байланысты.

Көрмеге 400-ден астам жәдігер қойылған: құрал-саймандар мен станоктар, киім-кешектер, үй бұйымдары, мініс және жүк артатын малдардың жабдықтары, мата үлгілері, кілемдер мен кестелер, үйлену тойына қатысты заттар, ислам дініне қатысты бұйымдар және т.б.

Тоқыма өндірісінің технологиясы мен оның тұрмыста қолдануы ғана емес, сонымен қатар сол замандағы тарихи мәселелер мен қоғамдық қарым-қатынастарды кеңінен сипаттайтын көрмемен аттас каталог шығарылды.

Айта өтейік, көрме Ұлттық музейдің 1-қабатында орналасқан, 2014 жылдың 1 қыркүйегіне дейін созылады. Келем деуші азаматтар аптаның кез-келген күні жұмыс уақытында барып көре алады.

Камила Амирова

Суретке түсірген Азамата Алиев

Барлық жаңалықтар