• Басты
  • Жұмыс берушілер есебінен 11 мыңға жуық қазақстандық кәсіптік оқудан өтуде

Жұмыс берушілер есебінен 11 мыңға жуық қазақстандық кәсіптік оқудан өтуде

15 Шілде, 2014 18:19
Жұмыс берушілер есебінен 11 мыңға жуық қазақстандық кәсіптік оқудан өтті. Бұл туралы Көші-қон комитеті төрағасының орынбасары Аслан Қаржаубаев мәлім етті.

«Ағымдағы жылдың 1 шілдесіндегі жағдай бойынша  10,5 мыңға жуық қазақстандық шетелдік жұмысшыларды тартатын жұмыс берушілер есебінен кәсіптік оқудан, қайта даярлау курстарынан өтіп, біліктілігін жетілдірген. Сондай-ақ, дәл осы жұмыс берушілер қазақстандықтар үшін жаңа 7300 жұмыс орнын ашып, 27 шетелдік азаматты отандық мамандармен алмастырған»,- деп ол ағынан жарылды.  

Көші-қон комитеті төрағасының орынбасары атап өткендей, отандастарымыздың еңбек нарығынан шетелдік жұмыс күшін ығыстыруына жол берілдейді. Бүгінде ҚР көші-қон саясаты жетілдірілуде  және онда біліктілігі жоғары шетелдік кәсіби мамандарды тарту  міндеті қойылған.

« «ЖКЖК -2020» бағдарламасы шеңберінде жетелдік жұмыс күшін тартатындар үшін рұқсат беру алдында шетелдік маманды отандық мамандармен алмастыру, оларды арнайы курстарға жіберу, жерлестеріміз үшін жаңа жұмыс орнын ашу міндеті қойылады», - деп А. Қаржаубаев толықтырды.

Өз кезегінде ҚР Үкіметі сұранысқа ие салаларды және олар бойынша мамандықтарды іріктеп қойды. Сонымен қатар, мигранттар үшін білім деңгейі бойынша талаптар жасақталды. Шетелдік мамандардың елімізге келуіне және жұмыс істеуіне аталмыш талаптарға сай болған жағдайда ғана рұқсат беріледі.

Индира Кауметова

Барлық жаңалықтар