Қазақстанның мемлекеттік хатшысы Бірінші дүниежүзілік соғыстың 100 жылдығының салтанатты шараларына қатысты
15 Шілде, 2014 18:04
Қазақстан Республикасының мемлекеттік хатшысы Әділбек Жақсыбеков француздық тараптың шақыртуымен Францияның ұлттық мерекелеріне орай шараларға қатысты, деп хабарлайды ҚР СІМ.
Биылғы салтанатты шаралар Бірінші дүниежүзілік соғыстың 100 жылдығына орайластырылған. Париждегі Елисей алаңында өткен дәстүрлі әскери шеруде алғаш рет жиырмасыншы ғасырдағы ұлы қырқысқа қатысқан барлық мемлекеттердің өкілдері қатысты. Шараға бас-аяғы әлемнің 80 елінің өкілдері шақыртылды.
Қазақстанның мемлекеттік хатшысы Қазақстан Республикасы Президенті Нұрсұлтан Назарбаевтың арнайы Франция Президенті Франсуа Оландқа құттықтауын жеткізді. Онда екі ел арасындағы стратегиялық сипаттағы әріптестік пен оның алдағы уақытта тереңдеуіне сенім білдеру айтылған.
