• Басты
  • Еңбек төлемінің жаңа моделі жалақыны 40 пайызға дейін көтеруді көздейді
15 Шілде, 2014 15:43

Еңбек төлемінің жаңа моделі жалақыны 40 пайызға дейін көтеруді көздейді

Еңбек төлемінің жаңа моделі денсаулық сақтау саласындағы жалақы төлемін 28, білім беру саласында жалақыны 29 пайыз көтеруді қарастырады. Бұл туралы бүгін Орталық коммуникациялар қызметінің брифингінде еңбек және халықты әлеуметтік қорғау министрі Тамара Дүйсенова мәлімдеді.
Еңбек төлемінің жаңа моделі жалақыны 40 пайызға дейін көтеруді көздейді

«Реформалау аясында Мемлекет басшысының мемлекеттік мекеме мен қазыналық кәсіпкерлік қызметкерлерінің – денсаулық сақтау саласында 28 пайыз, білім беруде 29 пайыз, ал өзгелерінде 40 пайыз арттыру тапсырмасы ескеріледі», - дейді министр.

Оның айтуынша, жаңа модельді енгізу үшін республикалық бюджеттен жарты жылдыққа 139 млрд теңге, ал бір жылға 278 млрд теңге қарастырылған.  

Естеріңізге сала кетейік, Мемлекет басшысының тапсырмасымен халықаралық тәжірибені таладу негізінде Қазақстанда 2015 жылдың 1 шілдесінен бастап енгізілетін азаматтық қызметкерлер еңбекақысын төлеудің жаңа моделі дайындалды.

Индира Қауметова

 

Барлық жаңалықтар