ККМ көлік саласындағы заңнаманы жетілдіру жөніндегі жұмыс тобын құруға бастама жасады
Қазіргі кезде Азаматтық авиация комитеті мүдделі мемлекеттік органдардан, Ұлттық кәсіпкерлер палатасынан, туристік ұйымдар мен авиакомпаниялардан комиссияға кіретін кандидатураларын күтуде.
Жұмыс тобының негізгі мақсаты – туристік компаниялардың клиенті болып табылатын Қазақстан азаматтарының күйзеліске ұшырататын қиын жағдайларды болдырмау. Туристердің мүдделерін қорғау мақсатында жұмыс тобы көлік саласына, оның ішінде тасымалдаушыларға қатысты заңнамаға өзгерістер енгізу жұмысын жалғастырып, аталған саланы жетілдіру жөнінде ұсыныстар беретін болады.
«Жұмыс тобын құру туристік ұйымдар мен тасымалдаушылар жұмысындағы кездесетін сәйкессіздіктерді айқындауға көмектеседі. Көлік және коммуникация министрлігі өз құзырында халықтың өмірі мен денсаулығына қатер төндірмей қауіпсіз ұшуларды қамтамасыз ету үшін барлық жағдай жасап отырғанына ерекше көңіл аударып отыр», - деп Азаматтық авиация комитетінің төрағасы Бекен Сейдахметов атап өтті.
