Британдық Корольдік институтында Еуразиялық экономикалық интеграция таныстырылды
15 Шілде, 2014 13:02
Британдық Королдік халықаралық қатынастар институтында (Chatham House) Еуразиялық экономикалық комиссияның (ЕЭК) интеграция мен экономиканың негізгі салалары бойынша Коллегия мүшесі (Министр) Татьяна Валовая Еуразиялық экономикалық интеграция жобасын жан-жақты таныстырды, деп ЕЭК-тан хабарлады.
Жоба таныстырылымы «Жаңа халықаралық контекстегі Еуразиялық экономикалық одақ» тақырыбында өткен дөңгелек үстел аясында өтті. Министр шараға қатысушылардаң барлық сұрағына жауап берді. Британдық сарапшылардың қызығушылығын Еуразиялық экономикалық одақ туралы Келісім мен еуразиялық интеграция жобасына қатысушылар санын арттыру мәселесі тудырды.
Жалпы осы тақырыпта Chatham House қабырғасында Еуразилық экономикалық комиссия өкілдерін шақыру арқылы шаралар өткізу дәстүрге айналған және ол еуразиялық интеграциялық қауымдастыққа халықаралық сарапшылардың қызығушылығы артып жатқанын білдірсе керек.
