Қаржы министрлігі: Жинақ шотына аударылған заңдастырылған қаражатты сақтауға мемлекет кепілдік береді

15 Шілде, 2014 19:22

ҚР Қаржы министрлігі қаржыны заңдастырудың кейбір тұстарына түсіндірме берді.

Естеріңізге сала кетейік, мүлікті заңдастыру 2014 жылдың 1 қыркүйегі мен 2015 жылдың 31 желтоқсаны аралығында өтеді.

«Осы орайда жинақ шотына аударылған заңдастырылған қаражатты сақтау Қазақстан Республикасының депозитті міндетті кепілдендіру туралы заңнамасымен реттеледі. Заңдастырылған мүлік, соның ішінде қаражат та заңдастыру субъектісінің табысы ретінде танылмайды және табыс салығы салынбайды», - делінген ведомства хабарламасында.

Министрлік қаражатты заңдастырған мемлекеттік қызметкерге қандай әкімшілік жауапкершілкіктің қарастырылатыны жайлы сұрақтарға жауап берілді.

Амнистия күші заңдастыру субъектілеріне, заңдастырылған мүлікке, соның ішінде қолданыстағы Заңның күшіен енген күніне дейінгі уақыттағы «Жемқорлықпен күрес туралы» Заңның 9-ыншы бабында көрсетілген толық емес декларация мен мәліметтерде көрсетілген немесе көрсетілмеген дисциплиналық жауапкершіліктен босату қарастырылады.

Ескере кететіні, жемқорлық заң бұзушылық немесе қылмыс жолымен алынған дүние заңдастырылмайды.