Венада салық салу бойынша 10-шы Еуразиялық сарапшылар семинары өтті
15 Шілде, 2014 11:15
Венада (Австрия) салық салу бойынша 10-шы Еуразиялық сарапшылар семинары өтті. Онда Еуразиялық экономикалық комиссияның (ЕЭК) экономика және қаржы саясаты бойынша Коллегия (Министр) мүшесі Тимур Сүлейменов сөз сөйледі.
Семинар барысында салық салу жүйесінің проблемалары, олардың ашықтығы мен заңнаманы сақтау талаптарын үйлестіру және жеңілдету, сонымен қатар бюджет табыстылығымен тікелей байланысты емес жаңа салықтардың қажеттілік мәселелері талқыланды, деп ЕЭК-дан хабарлады.
Сондай-ақ, жиналыста Еуропа мен Еуразия арасындағы байланыс және экономикалық интеграцияның салық аспектілері, салықтық реформаларды жүргізу мәселелері қаралды. Бұдан басқа акцизделетін тауарлардық заңсыз саудасымен күрес мәселесі де назардан тыс қалмады.
«Жалпы кездесу барысында көптеген мәселелер бойынша өзара түсіністікке қол жеткізілді және Астана мен Мәскеу қалаларында аталмыш саладағы маңызды тақырыптар бойынша семинар өткізілетін болып келісілді», - делінген хабарламада.
