Жезқазған «Әкімдер келісіміне» қосылды
14 Шілде, 2014 17:44
Жезқазған қаласы мәслихаты Еуропа одағының «Әкімдер келісіміне» қосылуын мақұлдады, деп хабарлайды Қарағанды облысы әкімдігі.
«Әкімдер келісімі» – жергілікті және өңірлік биліктің көпшілік қозғалысы. Ондағы мақсат өз аймақтарында тұрақты энергетика қағидасын дамыту міндетін ерікті түрде арқалау. «Әкімдер келісіміне» қол қоя отырып жергілікті билік 2020 жылға қарай энергетикалық тиімділік пен жаңартылмалы қуат көздеріне құйылатын инвестицияны арттыра отырып СО2 қалдықтарын қысқартуға міндеттеледі.
«2013 жылы аталмыш ұйымға көршілес Сәтпаев қаласы енді. Ал таяуда Қарағанды мен Теміртау енді. Жезқазған депутаттары осы идеяны қолдай отырып, «Әкімдер келісімі» интеграциясы арқылы қаланың өзге елдермен байланысы нығайып, соның ішінде энергоүнемділік, ресурстарды тиімді пайдалану, экологиялық мәселелерді шешу қолға алынады», - делінген хабарламада.
