• Басты
  • Сорокиндер-Левановичтер әулеті: Жалпы еңбек өтілі – 586 жыл (ФОТО)
19 Маусым, 2013 00:00

Сорокиндер-Левановичтер әулеті: Жалпы еңбек өтілі – 586 жыл (ФОТО)

Петропавлда Сорокиндер-Левановичтер әулеті темір жолда 586 жыл еңбек еткен.
Сорокиндер-Левановичтер әулеті: Жалпы еңбек өтілі – 586 жыл (ФОТО) | Strategy2050.kz

Әулеттің негізін қалаушы Григорий Степанович Сорокинді тағдыр аз сынамады. Бірінші дүниежүзілік соғыстың қатысушысы әскерден елге оралған соң Петропавл стансасының депосына слесарь болып жұмысқа орналасты. 1918 жылдың маусымында чех көтерілісі кезінде тұтқындалды. 1920 жылы Петрококтың бірінші құрылысшысы атанып, еңбекке қайта араласады. Құрылыс аяқталғаннан кейін еңбек жолын депода машинист болып жалғастырды. Темір жолда онымен бірге әйелі Марианна Сорокина 40 жыл еңбек еткен. 1929 жылы темір жол техникумын тәмамдаған Яков Сорокин әке салған сүрлеумен паровоз депосына жұмыс істеуге келеді. Жас маман 37 жылдық еңбек өтілінде машинистен инженер-әдіскерге дейінгі жолды жүріп өтті. 

Яковтың арқасында Левановичтер әулеті Сорокиндер әулетімен тығыз қарым-қатынас жасай бастады. Сорокиндер-Левановичтер темір жол династициясын жалғастырушы Надежна Яковлевна Шильдтің айтуынша, Леванович отбасы Петропавлға көшіп келіп, дәстүр бойынша темір жолда жұмыс істеген. Ағайынды Петр және Антон Левановичтің жұмысын бір-бірінен бөле-жара қарауға болмайды, олар вокзалдың маңында тұрды. Тату отбасының бір-біріне әрқашан есігі ашық еді, жазда самаурыннан шәй ішіп, әңгіме-дүкен құратын. Петр Левановичтің отбасында 6 бала болды, оның 5-уі темір жолда тер төкті. Антон Станиславовичтің ұлдары – Владимир мен Анатолий де паровоз депосында қызмет етті. Сорокиндер мен Левановичтер әрқашан бірінші болуға ұмтылды. Левановичтер отбасы мүшелері стахановтар қозғалысының пионері болды. Олар алғаш болып салмағы ауыр пойыздарды тізгіндеді. Қажырлы еңбегі үшін Антон Леванович «Құрметті теміржолшы» белгісімен марапатталды. 

Левоновичтер отбасы 1937 жылы Сталиннің қаһарына ілігіп, 1937 жылы тұтқындалады. Алайда 1942 жылы олардың ісі қайта қаралып, бостандыққа шығады. 1989 жылы олардың барлығы ақталды. 

«Мен темір жолда 41 жыл талмай еңбек еттім. Новосібір темір жол көлігі инженерлері иститутын аяқтаған соң экономист мамандығына ауыстым. Мен өз әулетімді мақтан тұтамын. Біздің отбасымыздың темір жолдағы жалпы еңбек өтілі 586 жылды құрайды», - дейді Надежна Яковлевна Шильд.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды