• Басты
  • Қызылорда облысында алдын ала ақпараттандыру жобасы іске қосылды – ҰКП

Қызылорда облысында алдын ала ақпараттандыру жобасы іске қосылды – ҰКП

14 Шілде, 2014 16:49
Қызылорда облысы Ұлттық кәсіпкерлер палатасы әкімдікпен және «Жастар жетістігі» қоғамдық қорымен бірлесе отырып жастарды кәсіби бейімдеу жүйесі бойынша бірлескен шаралар жоспарын дайындады.

ҚР Ұлттық кәсіпкерлер палатасының ресми порталының хабарлауынша, 2014-2015 жылдарға арналған жоспар бойынша Қызылорда мектептерінің бірінде 8-11 сыныптарға арналған «Кәсіпкерлік негіздері» дисциплинасын енгізу жоспарлануда. Сонымен қатар облыстың 30 оқытушысына кәсіпкерлік негіздері біліктілігін арттыру курсы ұйымдастырылмақ.

Жоспар бойынша, Қылзылорда облысының аудандық мектептерінде 14 кәсіби бағытталған бұрыштар мен 1 тірек кабинет ашылмақ.

«Жүйелі негізде колледж студенттері арасында курстар мен өндірістегі экскурсиялар ұйымдастырылып, телеарналарда әлеуметтік бейне ролик көрсетілімдері ұйымдастырылып, еңбек нарығындағы сұранысқа ие мамандықтар туралы студенттер мен оқушыларға ақпарат берілмек», - дейді ӨКП директорының орынбасары Арман Бимағамбетов.  

Алдағы уақытта «Қаржы сауаттылығы негіздері» мен «Кәсіпкерлік негіздері» Қызылорда қаласының барлық 8-11 мектеп оқушыларына енгізілмек. 

Барлық жаңалықтар