Қазақстанда 318 мыңнан астам бала мен жасөспірім спортпен шұғылданады
14 Шілде, 2014 16:01
Жүйелі түрде дене шынықтыру және спортпен айналысатын балалар мен жасөспірімдер саны 318 123-ті құрайды, бұл жалпы көрсеткіштің 12,5%-ы, деп хабарлайды ҚР Спорт және дене шынықтыру агенттігі.
2013 жылы мектеп үйірмелеріндегі спортпен айналысатындар саны шамамен 700 мыңды құрады. Ал арнайы білім беретін ұйымдардағылар саны 282,3 мың, ЖОО-дағы 168,5 мыңға жетеді.
«Бүгінге дейін мектептердің 98%-ы дене шынықтыру бойынша үш сағаттық сабақпен жаңартылған», - делінген хабарламада.
Сонымен қатар елімізде 427 балалар мен жасөспірімдердің спорттық мектебі бар. 2013 жылы ондағы шәкірттер саны 282 мыңды құраған.
Хабарламада айтылғандай, Қазақстанда 650 балалар мен жасөспірімдердің клубы тіркелген, онда 124 мың бала мен жасөспірім дене шынықтыру және спортпен айналысады.
