• Басты
  • ШҚО-да кореялық дәрігерлер 5 тегін ота жасады

ШҚО-да кореялық дәрігерлер 5 тегін ота жасады

14 Шілде, 2014 19:23
Шығыс Қазақстан облысында Оңтүстік Кореяның Каннам Северанс ауруханасының дәрігерлері облыстық ауруханада қалқанша без патологиясы барларға 5 тегін ота жасады, деп ШҚО-ның Ақпараттық орталығынан хабарлады.

Қазіргі таңда кореялық дәрігерлер облыстық диагностикалық орталықтың 100-ге жуық науқасын қарап шықты. Алдағы уақытта олар  эндокринді бөлімнің науқастарын дәрігерлік бақылаудан өткізеді. Бұдан басқа  облыстық және Семей қалалық онкодиспансерінде 6 ота жоспарланған.

«Біздің дәрігерлер үшін бұл үлкен тәжірибе, шеберлік сыныбы десе болады. Қазіргі таңда ота жасау барысында облыстың үздік хирургия мамандары кореялық мамандармен бірлесіп жұмыс жасауда. Жалпы, қалқанша без потологиясы саласында кореялық мамандардың тәжірибесі мол. Олар отадық мамандарды ота жасау әдісін үйрете алады. Бір сөзбен айтқанда олардың мамандарының біліктілігі бұл салада өте жоғары», - деп ШҚО Денсаулық басқармасының бастығы Вадим Овсянников атап өтті.

Айта кетерлік жайт, 2013 жылы қойылған меморандум аясында күні бүгінге дейін ШҚО-ның 8 дәрігері Оңтүстік Кореяда біліктіліктерін арттырса, жыл сайын 1-2 бала емделуге жіберілуде. 

Барлық жаңалықтар