Әлемнің 88 елінің оқушылары Астанадағы физикадан халықаралық олимпиадаға қатысады

14 Шілде, 2014 10:49

2014 жылы Астанада физикадан өтетін халықаралық олимпиадаға қатысатын мемлекеттер саны рекордтық көрсеткішке жетіп отыр. IPHO-ға биыл әлемнің 88 елінен шамамен 700 оқушы қатысады.

Білім және ғылым министрлігінің хабарлауынша, олимпиада оқушылар арасында ғылми-зерттеу жұмыстарына қызығушылық ояту, дарынды балаларды қолдауға қажетті жағдай жасау мен ғылымды насихаттау мақсатымен ұйымдастырылады.

IPHO-2014 жарысы Астанадағы Назарбаев Университетінде 13-21 шілде аралығында өткізіледі.

Халықаралық бәйгеде Қазақстан Республикасының атынан 5 оқушы қатысады.

Әмір Бірәлин - физикадан Азия олимпиадасының алтын медаль, физикадан халықаралық олимпиадасының күміс медаль және Республикалық пән олимпиадасының алтын жүлде иегері.

Иса Данат – Халықаралық Жәутіков атындағы олимпиаданың күміс медаль және Республикалық пән олимпиадасының алтын медаль иегері.

Нұрбек Дінмұхаммед – Республикалық пән олимпиадасының алтын медаль, физикадан халықаралық олимпиаданың қола медаль иегері.

Тұрсынбек Нұрислам – оқушылар арасындағы халықаралық олимпиаданың қол медаль, Жәутіков атындағы халықаралық олимпиаданың күміс медаль, физикадан Азия олимпиадасының мақтау қағазы және Республикалық пән олимпиадасының алтын медаль иегері.

Кұрмантаев Дәулет – жасөспірімдер арасындағы халықаралық жаратылыстану-ғылыми олимпиада мен Жәутіков атындағы мектеп оқушылары олимпиадасының күміс медаль, Республикалық пән олимпиадасының алтын медаль иегері.

Жалпы, олимпиадаға ұлттық физика олимпиадаларының жеңімпаздарынан құралған бітіруші сынып оқушылары қатысады.