"Маңғышлақ-Бейнеу" жолаушылар поезының құрамы жаңарды
13 Шілде, 2014 15:41
"Маңғышлақ-Бейнеу" бағытындағы жолаушылар поезы жаңа вагондармен толықтырылды. Соған қарамастан қазіргі құрамның жүру кестесі, орын саны мен бағасы сақталды.
Жаңа вагондар желдеткіш жүйесі мен бейнебақылау камераларымен, ақпараттық жолақ және өзге де жаңа құрылғылармен жарақтандырылған.
Айта кету керек, "Маңғышлақ-Бейнеу" поезы станциялар мен елді-мекендердегі халықтың сұрауы бойынша осы мақсатта облыс әкімдігі тарапынан субсидия бөлінгенінен кейін қолданысқа берілді. Биылғы жылдың ақпан айында поез күнара жолға шыға бастады. 6 вагоннан тұратын құрамдағы вагонның екеуі купе, үшеуі плацкарт, енді бірі жалпы вагон.
