• Басты
  • Қазақстан халықтарының Кіші Ассамблеясы сессиясы ССКӨБ-те өтті

Қазақстан халықтарының Кіші Ассамблеясы сессиясы ССКӨБ-те өтті

12 Шілде, 2014 13:14
Қостанайда Соколов-Сарыбай тау-кен өндірістік бірлестігінде (ССКӨБ) Қазақстан халықтарының Кіші Ассамблеясы сессиясы өтті. Оның жұмысына Қазақстан халықтарының облыстық Ассамблеясы төрағасының орынбасары - хатшылық меңгерушісі Дәндібаев Бағытұр қатысты.

«Форум төзімділікті дамытуға, рухани ынтымақтастықты қалыптастыруға, ұлтаралық татулық пен қоғамдық тұрақтылықты нығайтуға бағытталған форум ССКӨБ-тің 60 жылдығын тойлау төңірегінде өтті», - деп өндірістік бірлестіктің баспасөз қызметінен хабарлады.

Бұл оқиғалар кездейсоқ байланысты емес: бірлестік – көп ұлтты ұжымның жарқын өнегесі. Алыс 1950-ші жылдары болашақтағы кен рудалық алыптың құрылысына елдің түпкір-түпкірінен ынталылар келді. Бұл екпінді интернационалдық құрылыс болды. Бүгінгі күні де бұл жерде 50 ұлт өкілдері еңбек етуді жалғастыруда. Достық пен біртұтастықтың арқасында ССКӨБ ұжымы үлкен өндірістік және әлеуметтік жетістіктерге қол жеткізді. Жаңа ниеттер мен жобалар ұлтаралық араздарға орын бермейтін біртұтас, ұйымшыл команда болып жүзеге асырылады, делінген хабарламада.

Форум аясында ұлттық ойындар мен ұлттық тағамдар конкурсы бойынша сайыстар ұйымдастырылған. Мерекенің соңында әр түрлі этностық-мәдени бірлестіктері шығармашылық ұжымдарының концерті болды.

Қазақстан халықтарының Кіші Ассамблеясы сессиясының нәтижесінде кәсіпорынның кәсіподақ комитетіндегі ССКӨБ қызметкерлері қатарынан ұлттар уәкілдерінің Кеңесі құрылды. 

Барлық жаңалықтар