Спорттық медицина орталығы құрама спортшыларын толықтай медициналық-биологиялық тексеруден өткізеді
«Медицина мен ғылымның алдыңғы қатарлы мамандары енгізілген кеңес құрылды. Сонымен қатар спорттық медицина орталығында кестеге сай адйындық уақыттарында біздің үздік спортшыларымызды қарайтын мобильді екі кешенді ғылыми топ құрылды. Спорттық медицина орталығына осы бағыттағы жұмыстарды күшейтіп, құрама командалар спортшыларына толықтай медициналық-биологиялық тексеру жүргізу қажет», - дейді Е.Қанағатов.
Оның айтуынша, спорт саласы мамандарының басын біріктіре отырып қазақстандық спортшылардың, соның ішінде медаль алады-ау деген спортшылардың денсаулығына медициналық-биологиялық ерекше бақылау мен ғылыми тексеру жүргізуді қолға алу керек.
«Әлемдік спорттағы бәсеке жыл санап күшейіп келеді. Жағдайды пайдалана отырып өңірлерден жергілікті жерлердегі спортшыларға арналған тұрғын үй-тұрмыстық жағдайларын жасау мен оларды қолдау бойынша оқыту-дайындау жұмыстарына бақылауды күшейтудің қосымша шараларын қабылдауды сұраймын», - дейді.
Айта кетейік, Азия ойындарына қатысқанға дейін қазақстандық командалар 10 Азия чемпионаты мен 15 әлем чемпионатына қатысады. Азия ойындарынан кейін 7 әлем чемпионаты жоспарда бар.
Мадина Нұрбекова
