Қарағандыда ең ірі студенттік жатақханалардың бірі ашылады
11 Шілде, 2014 18:36
Қарағандыда республикадағы ең ірі студенттік жатақханалардың бірі «Армандастар Ордасы» салтанатты түрде ашылды, деп хабарлайды ҚР Білім және ғылым министрлігі.
Жатақхана Қазақстан Республикасы Білім және ғылым министрлігінің тапсырысымен салынған.
Хабарламада айтылғандай, секциялық типтегі жатақхана 822 орынға арналған. Бір секцияда ебс адамға дейін тұрады. Жатақханада сымсыз ғаламтор, конференция залы, екі мультимедия кабинеті, заманауи құрылғылармен қамтамасыз етілген денсаулық сақтау пункті бар.
Ғимарат Қарағанды мемлекеттік техникалық университетінің кампусында орналасқан.
