Қызылорда облыстық қаржы полициясы жарты жылда мемлекетке 1 млрд теңгені қайтарып берді
11 Шілде, 2014 16:01
Биылғы жылдың 6 айында Қызылорда облыстық қаржы полициясы мемлекетке 1,1 млрд теңгені қайтарып берді. Бұл туралы ведомстваның жұмыс қорытындысына арналған жиында Қаржы полициясы департаментінің жетекшісі М.Қожамбев айтты.
2014 жылдың 6 айында облыстық қаржы полициясы 252 қалмыстық істі анықтаған. Соның ішінде 64-і жемқорлық дерегі. Аталмыш қылмыстан келген шығын көлемі 1,8 млрд теңгені құрайды. оның қазіргі таңда 1,1 млрд теңгесі мемлекетке қайтарылды, деп хабарлайды Экономикалық қылмыс және сыбайлас жемқорлыққа қарсы күрес агенттігінің баспасөз қызметі.
«Жиында облыстық департамент бастығы қарамағындағыларға алдағы уақыттағы басым бағыттар бойынша міндеттемелер жүктеп, тапсырмалар берді. Сонымен қатар азаматтардың конституциялық құқығын қатаң сақтау туралы және аса ауыр қылмысты ашу бойынша жемқорлыққа қарсы күреске бағытталған шаралардың тиімділігін арттыру бойынша нақты тапсырмалар берілді», - делінген хабарламада.
