Ақмола облысында комбикорм зауыты ашылды
10 Шілде, 2014 13:21
Ақмола облысы Жақсы ауданындағы «Урожай» ЖШС кәсіпкерлігінде сағатына 10 тонна өнім өндіретін комбикорм зауыты ашылды. Аталмыш жобаның құны 300 млн теңгені құрайды.
Зауыттағы жем-шөп өндірісі ірі қара малының түрлі жас және тұқымдық ерекшеліктеріне қарай түйіршіктендірілген түрдегі дәрумендерді қосу арқылы дайындалады. Жеке секторда осынау өнімді өндіруден бөлек алдағы уақытта өнімнің 15-20 пайызын жақын шет елге тасымалдау жоспарлануда, деп хабарлайды облыс әкімдігі.
Айта кету керек, ҮИИД бағдарламасы бойынша тәулігіне 250 тонна ұн шығаратын «Урожай» ЖШС инвестициялық жобасы құрылғыны жаңғырту жұмыстарын жасады. Бұл өз кезегінде ұн қапшықатрын 5, 10 және 25 келілік етіп таратуға мүмкіндік береді.
