Ақтөбеде «Бизнес бастау» реалити-шоуы басталады
Бірінші кезеңде ұйымдастырушылар қызықты жоба ұсынған үміткерлерді іріктеу өткізбек. Олардың жұмыстары екі ай ішінде қаралады. Негізінен бұл барынша аз қаражат салып дөңгелетіп алып кетуге болатын нақты идеялар болмақ, - деп хабарлайды palata.kz сайты.
КДО директоры Ержан Нұрғалиевтың айтуынша, бірде-бір идея көзден таса қалмақ емес. Үздік деген идеялар ірі қазақстандық инвесторларға ұсынылатын бизнес жобалар қатарына енгізіледі.
«Осылайша біз бизнес туралы кезекті бір бастаманы қолға ламақшымыз. Көптеген жандар өз кәсібін ашу үлкен қаражатты талап етеді деп ойлайды. Біздің мақсатымыз осынау теріс ойдан арылтып, халықты кәсіпкерлік жолына баулу. Біз өз жобасын ұсынған кез келген адамды қуана қарсы аламыз. Әрқайсымызда да осындай үлкен бастамаға қатысу мүмкіндігіміз бар», - дейді Ержан Нұрғалиев.
