Жас дарындар «Шаттық» фестивалінің сахнасында өз өнерлерін Астанаға арнауды

6 Шілде, 2014 12:53

Бүгін елорданың туған күніне орай Бәйтерек алдындағы алаңда «Бозторғай» қоғамдық қорының ұйымдастыруымен ІІІ Халықаралық «Шаттық» жас дарындар фестивалі өтуде. Оған әлемнің 16 мемлекетінен келген 700-ге жуық дарынды балалар қатысуда.

«Жалпы, Астанадағы фестивальге 700-ге жуық дарынды балалар қатысуда. Олар Қазақстанның түкпір-түкпірінен, сондай-ақ Қырғызстан, Өзбекстан, Ресей, Литва, Қытай, Түркия мен Болгариядан келген жас әншілер, бишілер, халық әндерін орындаушылар мен сұлулық театрларының әртістері», - деп шара ұйымдастырушысы Әбдікәрім Дулат атап өтті.

Сонымен қатар, ол фестивальге 5 пен 18 жас аралығындағы балалар қатысуда, деп толықтырды. Олар байқау бағдарламасына сәйкес вокал, хореография, аспаптық, сұлулық театры, сондай-ақ ерекше жанрларда өнер көрсететін болады.

Жас дарындылардың өнерін КСРО-ның Халық әртісі Бибігүл Төлегенова бастаған халықаралық әділ-қазы алқасы бағалайтын болады.

Айта кетерлік жайт, «Шаттық» фестивалі Астана күнінің оныншы мерей тойынан бастап үзіліссіз өткізіліп келеді.

Камила Амирова