Елорда құрдасы: Астана – ол қазақстандықтардың болашағы

«Астана – ол әсем қала. Оның үстіне ол енді-енді дамып келеді. Менің ойымша ол болашақта әлемнің көздің жауын алар шаһарларының бірі болмақ. Астана – ол біздің болашағымыз, қазақстандықтардың болашағы. Мен өз болашағымды Астанамен бірге елестетемін. Елордаға көптеген жастар арман қуып келеді, өздерінің алға қойған мақсаттарына осында жетсем дейді», - деп Бақытбек Өтегенов өз ойымен бөлісті.

Сонымен қатар, ол Астана осыдан 10 жылдан кейін қандай болады деген ойымен де бөлісті.

«Астана 10 жылдан соң өркендеген шаһарға айналады. Дәл қазір біз армандап отырған жайттар ол кезде толығымен жүзеге асырылады. Барлық заманауи технологиялар осы Астанаға енгізіледі. Ол соңғы сән бойынша жасалған, сән салтанаты жарасқан әсем қалаға айналады», - деді ол.

«Осындай болашағы зор қаланың тұрғындарын, мемлекет басшысын жеткен жетістігімен шын жүректен құттықтаймын.  Елордамыздың келешегі келістіде кемел болғай», - деп ол түйіндеді.

Индира Кауметова

Суретке түсірген Азамат Әлиев