• Басты
  • Астана көз алдымызда өсіп келеді – елорданың құрдасы
7 Шілде, 2014 10:01

Астана көз алдымызда өсіп келеді – елорданың құрдасы

Астана менің көз алдымда өсіп келе жатыр, дейді елордалық №1 өнер мектебінің оқушысы, Астананың құрдасы Қаршыға Тұрсынбек Strategy2050.kz агенттігіне берген сұхбатында.
Астана көз алдымызда өсіп келеді – елорданың құрдасы

«Мен ес білгелі Астана тұрғынымын. Астана біздің көз алдымызда өсіп келе жатыр. Астананың әрбір жері мен әр ғимараты өзінше, біріне бірі ұқсамайды. Астана бүгінгі таңда Қазақстанның ең сұлу қалаларының біріне айналып, небары он алты жылдың ішінде кісі танымастай дамыды», - дейді Қаршыға.

Сонымен қатар Қаршыға елордадағы ең сүйікті жерлері туралы айтты. Ол қаладағы сүйікті орындарына туған-туыстарымен жиі баратын көрінеді.

«Астана маған керемет ұнайды, мұндағы жастардың да көзіне қуаныш, жүзінен күлкі кетпейді. Бұл мені қатты қуантады. Есілдің сол жағалауындағы қала архитектурасы өз алдына бөлең әңгіме, оның сұлулығын тілмен айтып жеткізу мүмкін емес. Соның ішінде маған ең қатты ұнайтыны «Бәйтерек» пен «Хан Шатыр» сауда-сауық орталығы», - дейді Қаршыға.

Елорда күні қарсаңында оқушы барша қазақстандықтар мен астаналықтар Астана күнімен құттықтады.

«Барша қазақстандықтар мен Астана тұрғындарын елордамыздың туған күнімен шын жүректен құттықтаймын. Алдағы уақытта Астанамыздың бұдан да өсе түсуі үшін біз қолымыздан келгеннің бәрін істейтін боламыз», - дейді.

Индира Кауметова

Фото Азамат Алиевтікі

Барлық жаңалықтар