Астананың үздік суреттері «Астана.Evolution» көрмесіне қойылды

6 Шілде, 2014 11:02

Астанада алғаш рет Тәуелсіздік Сарайының заманауи өнер галереясында жас фотографтардың «Астана.Evolution» халықаралық фотокөрмесі өтті. Шара Қазақстан Республикасы Астанасының он алтыншы туған күніне арналды.

«Астана.Evolution» көрме жобасының басты идеясы елорданың жаңа келбетін кез-келген образда, архитектуралық стильдердің араласуында, түрлі жыл мезгіліне қарай көрсете білу болып табылады.

Елордалық қалалық табиғат, тұрғындар Instagram әлеуметтік желісінде таңдалып алынған көрменің басты жұмыс тақырыбына айналды.

«Мен үшін фотография ол сені қоршаған ортадан өзгеше дүиені табуға мүмкіндік беретін өнер. Сондықтанда мен үшін үздік кадр ол мен әлі түсірмеген кадр. Фотографтың болмысы ол әрқашан ізденісте жүреді», - деп көрмеге қойылған фото жұмыстарының авторларының бірі Максим Рожин ағынан жарылды. .

Айта кетерлік жайт, автор өзінің көптеген жұмыстарын әлеуметтік желіге орналастырады екен.

Сонымен қатар, көрме ұйымдастырушылары болашақта жаңа жоба елорда күнін атап өтуде тұрақты мәдени бағдарламалар қатарына кіреді деп үміттенуде.

Камила Амирова