Заманауи Астана туралы 10 ақпар: Елордада 50-ге жуық тарихи және мәдени ескерткіштер бар

Мысалы, Қазақ хандығынының негізін қалаған ұлы тұлғалардың құрметіне «Керей мен Жәнібек» ескерткіші қойылды. Жалпы, оның ұзындығы 12 м, ал, хан Жәнібектің мүсінінің ұзандығы  - 5,25 м. Керей ханның мүсінінің ұзындығы  - 4 м. Алпауыт композицияның салмағы  - 16,2 тонна және ол  Қазақстан Республикасының Тұңғыш Президентінің Мұражайы алдында орналасқан.

Сонымен қатар, «Думан» қонақ үй кешенінің алдында халық компазиторы, домбырашы және күйші  Құрманғазы Сағырбайұлының құрметіне ескерткіш қойылған. Алып монументтің жалпы ұзындығы 10 метр және ол қоладан құйылыпты.  

Шаһардың көрнекті жерлерінің бірі - «Қазақ Елі» монументі. Тарихи-мемориалдық кешеннің жалпы аумағы 5,2 гектар, соның монумент орна­лас­қан орталық тұғырнамасы 1 гек­тар жерді алып жатыр. Ақ мәр­мәрдан құйылған монумент­тің биіктігі – 91 метр, бұл – Қазақстан тәуелсіздігін алған 1991 жыл­дың белгісі. Ал оның басындағы алтын түстес бояу­мен әрленген алып құс – Сам­ұрық Қазақ­стан­ның тынышты­ғын “күзетіп” тұр. Монументтің түсі – ақ. Ол қазақстан­дық­тардың дос­тық­қа адал, бау­ырмал, ақ ниетін паш етсе ке­рек. Көптеген елдерде орнатыл­ған мұндай стелалар қара, кейде қызыл түсті болып келеді. Олар тиісінше қара күш­тің, қанның белгісі іспетті.

«Мүсіндерді даярлауға 2 айдай уақыт кетеді.  Ал, ескерткіштер 3-4 айда жасалса, ірі ескерткіштер 7 айда дайын болады. Айта кетерлік жайт, осы уақытта цех тәулігіне 24 сағат үзіліссіз жұмыс істейді. Сонымен қатар, монументалды нысандардың құрылысына жылдар кетеді», - деп мүсінші Мұрат Мансұров берген сұхбаттарынның бірінде атап өтті.

Камила Амирова