Қазақстан мен Эквадор СІМ басшылары ынтымақтастық мәселелерін талқылады
4 Шілде, 2014 19:33
Бүгін ҚР Сыртқы істер министрі Ерлан Ыдырысов Астанаға ресми сапармен тұңғыш рет келген Эквадор Сыртқы істер министрі Рикардо Патиньомен кездесу өткізді.
Тараптар екіжақты, өңірлік, көпжақты ынтымақтастықтың біршама мәселелрін, соның ішінде БҰҰ Қауіпсіздік Кеңесіне 2017-2018 жылдары тұрақты емес өкілдігіне ҚР кандидатурасын қолдау мәселесін талқылады. Қазақстан мен Эквадорды дамудың ортақ басымдықтары мен халықаралық мәселелер бойынша ұстанымдарының жақындығы біріктіреді, деп СІМ баспасөз қызметі хабарлады.
Эквадор Латын Америкадағы Қазақстанның төртінші ірі сауда серіктесі болып табылады (Бразилия – 377,1 млн. АҚШ долл., Мексика – 121,4 млн. АҚШ долл., Аргентина – 40,1 млн. АҚШ долл. және Эквадор – 38,9 млн. АҚШ долл.; 2013 жылдың деректері бойынша). 2013 жылы екіжақты сауда айналымының көлемі 30%-ға өсті.
Қазақстан мен Эквадор арасындағы дипломатиялық қатынастар 2012 ж. 23 қаңтарда орнады.
