Астанада ӨЭК жаңа ғимараты ашылды

«Астана қаласы Президентті ең үлкен жобаларының бірі. Қаламен бірге бүгінде коммуналдық кәсіпкерліктер де қарқынды дамып келе жатыр. Қазіргі Астана ӨЭК тек қана электр желісі ғана емес, сонымен қатар телеметрияны автоматтандырудың жаңа деңгейі», - дейді Астана қаласы әкімінің орынбасары Василий Крылов.

Шара аясында қатысушылар әкімшілік-тұрмыстық кешеннің жаңа ғимаратының тұсауын кесті. Сонымен қатар, Астана қалалық 10-0,4 кВт-тық электр желісін басқарудың жедел диспетчерлік орталығы жұмысымен танысты.

Компания өкілдерінің хабарлауынша, елорданы дамытудың бас жоспарына сай 2030 жылға дейінгі қаланың электр желісін дамытудың техникалық-экономикалық негізін дайындау аяқталуда. Бұл өз кезегінде қаланың энергетикалық ресурсы қажеттілігін анықтауға мүмкіндік береді.

Өздеріңізге де белгілі, қазіргі таңда Астананың энергожүйесін дамыту жобасы – электр желісінің өткізу мүмкіндігін 550-ден 1500 МВт-қа дейін өсіруге мүмкіндік беретін 220/110/10 кВт-тық үш шағын станциялармен Астана қаласының айналасындағы 220 кВт-тық шығыршық құрыолысына мүмкіндік береді. 

Камила Амирова