Оқушылар мен зейнеткерлерге музейге кіру жеңілдігі қарастырылған – Д.Мыңбай

4 Шілде, 2014 11:29

Музейге кіру бағасы барынша қолжетімді. Сонымен қатар, оқушылар мен зейнеткерлерге музейге кіру жеңілдігі қарастырылған, деп мәлімдеді бүгін ҚР Президенті данындағы Орталық коммуникациялар қызметінің брифингінде Қазақстан Республикасы Ұлттық музейінің директоры Дархан Мыңбай.

«Әлемдік тәжірибеге сүйену керек. Қазір ғана ашылып жатқандықтан баға әлі толық бекітілген жоқ. Көрме мен залға байланысты баға да құбылмалы болады. Құзіретті орган Мәдниет және өнер комитеті болып табылады. Олар прейскуранттар орнатуы керек, мектеп оқушылары мен зейнткерлерге жеңілдіктер қарастырылады», - дейді музей директоры.

Сонымен қатар, Д.Мыңбай музей қорын толтыру жайына да тоқталды.

Оның айтуынша, аталмыш процес бірнеше бағыттар бойынша басталып кетті. Мемлекеттен бөлінген қаражаттың көмегімен қор сатып алу комиссиясы жұмыс істейді.

«Процесс басталып кетті. Бірнеше бағыт бойынша жұмыс істейтін боламыз. Мемлекеттен бөлінген қаражаттың көмегімен қор сатып алу комиссиясы жұмыс істейді.Музей жұмысын тәуелсіз комиссия қадағалауы керек. Сонымен қатар, сараптамалық комиссия да жұмыстардың түпнұсқалығын тексеруі қажет», - дейд олі.

Д.Мыңбайдың мәліметінше, музейде сыйға тарту жағы да қарастырылған.

«Біз сыйға тарту жағын да ескердік, мысалға, өткен жылы коллекционерлер музей үшін өте құнды дүниелерді әкелген болатын», - дейді.

Индира Кауметова