Параны алдыру мемқызметшілер қатарын тазартуға мүмкіндік береді – қарпол

3 Шілде, 2014 18:47

Параны арандату институтын Қазақстанға енгізу керек, деп мәлімдеді ҚР экономикалық қылмыс және сыбайлас жемқорлыққа қарсы күрес агенттігі (қаржы полициясы) ақпараттық-сараптамалық департаментінің бастығы Олжас Бектенов.

«Тек қана парадан бас тартумен шектелмей, мұны қаржы полициясына хабарлайтын мемлекеттік қызметкерлер мен лауазымды тұлғалар санының өсіп келе жатқанын айта кету керек. Өткен жыл мен осы жылдың 3 айында пара беру дерегі бойынша 229 қылмыстық іс қозғалды. Бұл Қазақстанда параны арандату институтының енгізу қажеттілігін кезекті рет дәлелдеп отыр. Грузияның ІІМ осы сынды тәжірибені қолданылды, яғни полицейлер әріптестерінің адалдығын тексеру мақсатында параға жүгінген», - дейді О.Бектенов.

Оның айтуынша, біздің мемлекеттік қызметкерлердің жемқорлық пен пара ұсыну жағдайын тиісті орындарға хабарлар-хабарламасын тексеру мақсатында қолдан пара ұсыну дерегін ұйымдастыру керек.

«Егер лауазымды тұлға параны қабылдаған-қабылдамағанына қарамастан бұл жағдайды құзіретті органдарға хабарламаса мемлекеттік қызметтен босатылатын болады. Алайда мұндай шаралар тек құзіретті органдар тарапынан қатаң заңдық шеңберде ғана ұйымдастырылуы қажет. Аталмыш институттың мақсаты адамдарды қылмыстық жауапкершілікке тарту емес, мемлекеттік қызметшілерді тазарту», - дейді.

Барлық жаңалықтар