«Керуен» мотошеруінің қатысушылары Астанаға оралады

3 Шілде, 2014 14:24

5 шілде күні Тәуелсіздік сарайы алдындағы алаңда қалалық «Шуақты қала» отбасылық фестивалі аясында Қазақстанның басты бастамалары G-Global мен EXPO-2017 жобаларын Еуропа мен Азияға таныстыру мақсатында аттанған жиһангездердің шеруі өтеді.

Қазақстандық байкерлердің салтанатты шарасы қалалық «Шуақты қала» отбасылық фестивалі өтетін Тәуелсіздік сарайы алдындағы алаңда 5 шілде күні өтеді, деп хабарлайды G-Global жобасының порталы.

Бұрындары да белгілі болғандай, VII Астана экономикалық форумы мен II Дағдарысқа қарсы конференциясының басталған күні 2014 жылдың 21 мамырында «Керуен» мотошеруі басталған еді.

Кең масштабты акция қатысушылары 20 елді аралап, Еуропа мен Азия елдеріне Қазақстанның алдыңғы қатарлы жобалары таныстырып, Елорда күні қарсаңында кері қайтуды мақсат еткен.

Жиһангездер Ресей, Финляндия, Швеция, Норвегия, Франция, Италияға барып түрлі кездесулер өткізіп, онда G-Global диалогтық алаңы мен ЭКСПО-2017 халықаралық көрмесінің басты қазақстандық бастамашыларымен танысты.

теги:

мотопробег джиглобал

Барлық жаңалықтар