Қала күніне орай шарлармен ерекше футбол жарысы өтеді
3 Шілде, 2014 11:53
Қазақстанда жаңа спорт түрі пайда болды - Бампер Бол. Бұл ойынға қатысушылар арнайы сфераларды киіп алып, қарсыласының қақпасына доп соғуға тырысады. Мерекелік шара 5, 6, 7 шілдеде «Қазақ елі» монументінің алдындағы алаңда өтеді.
Ерекше футболдың бірінші матчы 2011 жылдың соңында Норвегияда өткен болатын. Содан бері аттракцион халық арасында кеңінен танымал. Ойын барысында «футболшылардың» аяғы ғана бос болады, сондықтан тепе-теңдікті сақтау қиын. Шармен футбол ойнаудың бар қызығы да сол. Тіпті, жарыс сумо балуандарының күресіне де ұқсайды. Ойынның ұзақтығы - 30 минут. Оған 5 жастан жоғары балалардың да қатысуына боалды. Бұл спорт түрінде жарақаттар болмайды, деп қала әкімдігінің ресми сайты хабарлады.
Ерекше футбол адамдарға сергектікпен көтеріңкі көңіл-күй сыйлайды.
