Қазақстан бюджетінің ашықтығы 48 ұпайға бағаланды
22 Тамыз, 2013 00:00
2012 жылдың қорытындысы бойынша Қазақстан бюджетінің ашықтығы 100 ұпайлық бағамның 48-ші көрсеткішіне ие болды.
2010 жылмен салыстырғанда, бюжеттің ашықтығы 10 ұпайға өсіп отыр. Дегенмен, біз Ресей (74), Украина (54), Грузия (55) және Моңғолиядан (51) қалып қойдық. «Бюджет ашықтығы бойынша Қазақстанның өз ұпайларын еселеп отырғаны жақсы. Онымен ел Үкіметін құттықтауға болады. Алайда екі жылдың ішінде 100 ұпайдың ішінен 48 ұпайға емес, одан да жоғары көрсеткішке қол жеткізуге болар еді. Осы саладағы кейбір шараларды ешбір шығынсыз атқаруға болады», - дейді «Сорос - Қазақстан» қоры басқармасының төрағасы Антон Артемьев.
