Бәсекелестікті қорғау агенттігі сатып алу туралы жаңа заң әзірлеуде

Ведомство қызметкерлерінің пікірінше, бүгінде сатып алу жүйесі ретке келтіруді талап етеді, оларды біркелкі ету керек. Мемлекеттік сатып алудан бөлек 5 ұлттық холдингтің сатып алуы мен 20 шақты ұлттық компаниялар, жер қойануын игерушілер, табиғи монополия субъектілерінің сатып алулары да бар. Олардың әрқайсысының өзіндік ережесі бар.

Байқау өткізбей-ақ өздерінің үлестес тұлғаларынан сатып алу мен қызметті жүргізе береді. Сонымен қатар, доминант компаниялар да өздерінің басымдылықтарын пайдаланады, деп хабарлайды БҚА. Мұндай жағдайда сатып алу нысандары басымдылық көрсетеді. Мысалға, 2012 жылы қазақстандық бір холдингтен сатып алу көзі 70%-дан асқан. Ал құнды ұсыныстар бойынша 19%, ал ашық тендердегі сауда көлемі 8%, электронды сауда деңгейі тиісінше 0,07% құрайды.

Жер қойнауын игерушілерде де осыған ұқсас жағдайлар. Құнды ұсыныстар әдісімен жүргізілетін сатып алу деңгейі 50%-дан астам, ашық тендер 7,7% болса, электронды сауда 0,5%.

БҚА хабарлауынша, сатып алуларыдң ішінде барынша әділетті жүргізілетін сауда түрі мемлекеттік сатып алу болып табылады. Өйткені онда мемлекеттің бақылауы қатаң.

БҚА-ның мәліметінше, жаңа заң жөндеу сипатында болуы керек. Сонымен қатар бірыңғай әдістер мен сатып алуларды жүргізудің бірыңғай ережелерін бекітіп, ақпараттық қолжетімділік пен сатып алудың ашықтығын қамтамасыз ету керек.