Назарбаев орталығы қазақстандықтардың мақтанышына айналады – Елбасы

2 Шілде, 2014 12:11

Бүгін Назарбаев орталығының жаңа мекемесінде Елбасы «Ұлт көшбасшысы-Тұңғыш Президент кітапханасының» жұмысымен танысты.

«Біз бүгін тұңғыш рет Тұңғыш Президент-Ұлт көшбасышының кітапханасында индустрияландыру және инновация бойынша отырыс өткізгелі отырмыз. Бұл ғылымды тарату мен тарихты оқуға арналған жаңа орталыққа айналады.Елордада салынған заманауи архитектура алыбы Норман Фостердің 3-ші еңбегі», - деді Н. Назарбаев.

Елбасы сондай-ақ, мекеменің үстіңгі жақтағы шыны жабылымы қысы-жазы табиғи күн сәулесін өткізуге мүмкіндік беретіндігін тілге тиек етті.

«Бұл біздің «жасыл» экономикаға өтуіміздің, энергия үнемдеуге ұмтылудың жолы. Бұл «ЭКСПО-2017» халықаралық көрмесіне дайындықтың маңызды бастамасы. Мекеме қазақстандықтардың мақтанышына айналатынына сенімдімін», - деді Елбасы.

Сондай-ақ, Елбасы бүгін Астанада Ұлттық тарихи мұражайдың ашылу салтанаты өтетінін атап өтті.

Камила Амирова