Ақтөбе облысында жұмыспен қамту бағдарламасы бойынша 140 маман даярланды

2011 жылы мемлекеттік тапсырыс шеңберінде ұзақ мерзімді кәсіби оқуға «газбен қамтамасыз ету», «электрик», «бағалаушы» және «картография және геодезия» мамандықтары  ұсынылған болатын, деп облыс әкімдігінде хабарлады.

Салтанатты жиынға  жұмыспен қамту органдарының өкілдері, Бағдарлама қатысушыларын жастар практикасына және тұрақты жұмыс орындарына қабылдайтын ЖШС-нің басшылары мен кадр бөлімінің мамандары, педагогикалық ұжым және бағдарлама қатысушылары қатысты.

Сонымен қатар, Ақтөбе техникалық колледжінің ғимаратында Менеджмент, көліктегі тасымалды ұйымдастыру, электрмен жабдықтау және аспазшы мамандықтары бойынша 78 Бағдарлама қатысушылары диплом алып шықты.

2011 жылы кәсіби оқуға 178 жастар бағытталып, а.ж. 32 Бағдарлама қатысушылары диплом алып, жұмыспен қамтылды.

2014 жылы кәсіби оқуға 30 адам, қайта даярлау курстарына 30 адам және біліктілікті арттыру курстарына 5 адам бағыттау жоспарланып отыр.